بناء على طلب اعضاء المنتدى

بناء على طلب اعضاء المنتدى لوجود فئه فى المنتدى عن كورة القدم قمت بأنشاء هذا الفرع
وارجو ممن طلبوا منى ذلك عدم ترك هذا الفرع فارغ لانى مش هقدر اكتب طبعا فى الكورة لانى معنديش اهتمام كبير بيها اوكى

شكرا ياهبة مع اني مش من الاعضاء اللي طلبوا كده ربنا يجزاكي خير على تلبية طلبات اعضاء المنتدى وربنا يجعله في ميزان حسناتك انا كمان مش مهتميه بالكوورة قوي بس ممكن اعرف فريقك اللي بتشجعيه ايه

انا بشجع الاهلى والله بس مش متعصبه ولكن متعصبه لفريق مصر طبعا

انا بقه بشجع منتخب مصر وبشجع اللي بيلعب كويس بس مع احترامي لكي النادي الاهلي المرات اللي فاتت مستواه نزل اما بالنسبة لنادي الزمالك مستواه ارتفع بالنسبة ليا مرات اشجع ده ومرات اشجع ده بابا زملكاوي ومحمد اهلاوي انا بقه ساعات مع ده شويه ومع ده شوية
هههههههههه

يبقى انتى كده يا ريرى طرف محايد مش بتشجعى فريق بعينه
بس بتشجعى اللعبه الحلوه وده كويس فى حد ذاته

أيوه بالظبط كده انا دايما بحب ارضي الطرفين بس اكيد طبعا انا زيك متعصبة لمنتخب مصر وبشجعه اكيد وبحب منتخب النصر السعودي مش عارفة ليه

أنا بقى زملكاوى ومتعصب جدا للزمالك وان شاء الله نكسب الأهلى المحظوظ ومرسيه جدا على فتح فرع مخصوص للكورة وارجوا من الجميع اهلاوية وزملكاوية الرد

السلام عليكم ورحمة الله وبركاته
كانت مباراة مش بطالة
مبروك التعادل للاهلي والزمالك والحمد لله ان محدش فاز منهم ليه ياهبة لاني اكيد طرف محايد زي مانتي عارفة .

كل سنة وانتم طيبين جميعا وان شاء الله السنة اللى جاية تحققوا كل أحلامكم وخلاص خلصت مبارة الاهلى والزمالك القمة 106 بالتعادل بس الاحداث اللى بعد المبارة من هتاف جماهير الاهلى ضد اللاعب محمود عبد الرازق شيكابالا والحادثة كلاكيت تانى مرة قام شيكابالا برفه حذاءه فى وجه الجماهير انا بصراحة لو كنت مكانه كنت هعمل كده انا مش بدافع عن حد ولا انا ضد حد لكن فعلا ظاهرة سيئة فى ملاعبنا السباب لامهات اللاعبين وكأن كرة القدم لم تعد لعبة بل أصبحت حربا اهلية بين جماهير الناديين اتمنى من الله ان الاحداث دى متتكررش بعد كده ونفهم ان كرة القدم انها هيا مجرد رياضة مشروع فيها المنافسة الشريفة فقط هيا حق لكل فريق سواء الاهلى او الزمالك او باقى فرق الدورى وفى النهاية نتيجة المباراة عادلة حيث لم يظهر اى من الفريقين بمستوى جيد حيث لعب كل فريق على التأمين الدفاعى والنقطة مرضية لجميع الأطراف حيث ظل الزمالك على القمة والأهلى مازال امامه 16 مباراة للتعويض ومازال الاسماعيلى فى المنافسة اتمنى انه يكون دورى جيد هذا العام وأسف جدا على الاطالة فى الحديث اتمنى منكم ان تكتبوا تعليقاتكم عن هذه المباراة والأحداث والاحتقانات الموجودة داخل الشارع المصرى بين الجماهير كان معكم محمود الحداد المنصورة منتدى أصدقاء تكنولوجيا التعليم وربنا يوفقكم جميعا

فعلا بدون تحيز لنادى من النوادى فاهم حاجه فى الموضوع هو الاحترام لان الموضوع مش مستاهل ان الواحد ياخد سيئات ويخسر زمايله او اصحابه
وبعدين الموضوع كورة من غير تحيز ولا تعصب
وربنا يديم المودة والخير بين كل الناس اهلى زمالك اسماعيلى متفرقش المهم مصرى مسلم خلاص الموضوع انتهى ( الدين المعامله )
اسفه للاطاله

حرام عليك ياشيخ
بلاش تعصب ياشيخ انت راجل ازهرى( يعنى داعيه اسلاميه )
من الآخر تكون حبيب الكل وخليك فى دراستك يابابابلاش لعب ( عي.....)
samir

بتمنى الغاء النشاط الرياضى فى مصر او على الأقل تخصيص الأندية مهما خصصوا الشركات الحكومية جات على الكورة يعنى اللاعبين ياخدوا ملايين من فلوس الشعب والشباب لازال مستقبله غير واضح المعالم اللهم عليك بالظالمين