بسم الله الرحمن الرحيم
نظرة عامة :
المادة أخيرا استقر وضعها في الترم الثانى بعد سلسلة من التقلبات التي حدثت في الترم الأول بعد سفر الدكتور محمد متولي قنديل الذي كان يدرس المادة و تقريبا مفيش محاضرات اخدناها في الترم الأول و الحضور الفعلي للمادة مع بداية الترم الثانى .
من الذي يدرس المادة ؟
أصبح يدرس هذه المادة الآن دكتوران : الدكتور محمد الصعيدي و الدكتورة عفاف حماد .
- بالنسبة للدكتور محمد الصعيدي ده بيدرس الكتاب بتاع الدكتور محمد قنديل اللى سافر إلا انه قال أن الكتاب مش كله مقرر و إنما هيختار منه أجزاء و أن شاء الله لما يخلص هحدد لكم ايه هي الأجزاء اللى حددها .
- و بالنسبة للدكتورة عفاف حماد و دى بتدرس جزء ثانى خارج الكتاب و هو عبارة عن جزء شبه طرق التدريس حيث تدرس كل جزء على حدة : الإدارة كفصل مستقل و المنهج كفصل آخر و الروضة و ده فصل ثالث إلا أن الدكتورة قالت إنها هتجمع المادة العلمية اللى شرحتها في مجموعة أوراق و لما تخلصها هتديهلنا نصورها و أن شاء الله لما تديهلنا هعرفكم .
مواعيد المحاضرة :
- محاضرة دكتور محمد الصعيدي يوم السبت الساعة 12 ظهرا في الجمعية العلمية لإدارة المنهج و الروضة و دى قاعة في الدور الثالث في مبنى الطفولة .
- محاضرة دكتورة عفاف معادها يوم السبت الساعة 10 صباحا في مدرج 2 .
طبيعة الامتحان :
الامتحان ورقتان ورقة للدكتور محمد الصعيدي وورقة للدكتورة عفاف حماد .
- بالنسبة للدكتور محمد الصعيدي فامتحانه عبارة عن سؤال اجبارى و سؤالين اختياري نختار منهم واحد نحله يعنى ورقة الدكتور محمد الصعيدي نحل فيها سؤالين فقط – بالنسبة للسؤال الاجبارى فهو سؤال البحث اللى مع الكتاب و هو : التدريس الفعال هو ذلك الذي يراعى الأنماط التنظيمية داخل مراكز التعلم . اشرح هذه العبارة . و ده نجاوب عليه في ضوء تخصصك – و السؤال الثانى عبارة عن إننا نختار احد مراكز التعلم و نتحدث عنها من حيث التكوين و ما يحتويه المركز من أدوات – و السؤال الثالث محددوش .
- أما الدكتورة هالة فلسه محددتش طبيعة امتحانها.
وربنا يوفق الجميع