يا أستاذه ألاء اسمحيلى أعلق على كلام حضرتك
حضرتك بتقولى ان فلسطين عمرها موقفت معانا فى حاجة طيب مصر هيا كمان فى عهد مبارك عمرها موقفت مع اى حد بالعكس كنا بنقفل المعابر على الفلسطينيين وقت اعتداء اليهود عليهم ونساعد اليهود بغاز وحديد ونسيب اليهود يضربوهم ولما يخلصوا نلف على الدول نشحت عشان اعمار غزة لحد مخربناها وقعدنا على تلها ومشاكل كتير اوى حصلت بسبب النظام المصرى السابق منها مشكلة دول حوض النيل ده احنا اتذلينا لليهود وكأنهم ماسكين علينا نقطة ضعف .
احنا شكلنا كان وحش جدا والدول العربية بتكرهنا احنا حولنا مباراة مصر والجزائر الى خحرب أهلية بسبب الاعلام المصرى النضيف أوى طيب المباريات هنا بيحصل فيها شغب وضرب وتكسير وكلنا عارفين ومباراة الأهلى والمصرى ليست بعيدة علينا شوفنا أحداث شغب فيها وتكسير والأهلى قبل كده فى الاسماعيلية والزمالك والأفريقى احنا حولنا مشكلة متش كورة الى حرب وده طبعا عشان النظام كان بيفرح أوى انه يفرق بين الناس بيعمل بسياسة فرق تسد يفرق بين الدول وبعضها وبين المسلمين والمسيحيين فى مصر .
ده كفاية ان لما حسنى اتخلع حصلت مصالحة بين فتح وحماس اللى فضلوا يضربوا بعض أربع أوخمس سنين يبقى اللئيم شكله هو اللى كان بيضرب اسفينات بينهم قبل كده والله أعلم .
أنا طبعا كلامى ده مجرد احساس جوايا وأرجوا ان الجميع يرد عليا سواء كان موافق على كلامى أو رافضه .
اللهم انصر الاسلام والمسلمين