قناديل الحب

بتكمل بيها احلامنا
فى وسط الموج تقربنا
شموعها تدفى اوتارنا
بنسمع بيها اشعارنا
ونصحى نلاقيها بقت منا
تروح فى الليل لاحبابنا
تدق معانا على بابهم
يا أهل الحب فى ساعة حب
تعالوا ننور بيها اركانا
نطفى بيها احزانا
نقول للنجمه اسرارنا
ننور بيها اذهانا
ندوس على الوهم لو عارض
نميل على الغصن لو عارض
ونجرى بكل ما فينا
جبال الحب نعديها
بنار شوقنا نهديها
ونحكى ليها مراسلنا
فى دنيا كترت ملاهيها
ونطلب منها تنسانا
فى اعلى ما فيها ترسينا
بكل ما فيها تقوينا
تنور لينا ليالينا
تروح فى الليل لاحبابنا
تدق معانا على بابهم
يا اهل الحب فى ساعة حب
تعالوا نحب ونغنى
طيور الليل تشادينا
ونحكى ليها اسرارنا
تقول لليل يهاجينا
بأطلاله يغطينا
وتطلب منه يجافينا
يغيب عنا لكام ليله
وبعديها يصحينا
يروح فى الليل لاحبابنا
يدق معانا على بابهم
يا اهل الحب فى ساعة حب
تعالوا معانا للموج
على مركب وعمرنا بيفوت
وبرياحه وبشراعه بقلبنا هيدور
ونطلب منه يسمعنا
ونسمع منه اسراره
ويرمى علينا اشعاره
يغطينا بأسراره
يعلن م الحب اشعاره
ينادينا يدفينا يغطينا
ننام من كتر ما فينا
ونسرق من عمرنا ليله
وفى صياحه يصحينا
ونصحى نلاقيها بقت منا
تروح فى الليل لاحبابنا
تدق معانا على بابهم
يا اهل الحب فى ساعة حب
تعالوا نلف وندور
على شجرة ايدينا تدور
نفتح عنينا على بكره
نلاقى قلبنا مستور
ونطلب م الليل يغطينا
وم الموج يدفينا
وبرياحه يدور بينا
رمال الروم يعدينا
سمانا قمر لينا
نجومها تغيب عنا
تدور لينا اسامينا
وترسم لينا احلامنا
على مرسى ترسينا
وبالحب تداوينا
ننام من كتر ما فينا
ونصحى نلاقيها بقت منا
تروح فى الليل لاحبابنا
تدق معانا على بابهم
يا اهل الحب فى ساعة حب
تعالوا نعيش فى احلامنا
وننسى دنيا مغرورة
فاكرة نفسها شطورة
افراحنا ليها مكسوره
واحزانا بنتها الغندورة
تجوزها لاقدارنا
نعيش فيها نموت منها
نهرب منها بكل ما فينا
ونصحى نلاقيها بقت منا تروح فى الليل لاحبابنا
تدق معانا على بابهم
يا اهل الحب فى ساعة حب
تعالوا نقيد للحب قناديله






اهداء لكل من فقد صديق او صديقه اخ او اخت ام او اب ابن او ابنه تعالوا نقيد لحبه جوانا قناديله

/ هبه الاخضر

انا اسفة جدا علشلن اتاخرت في الرد عليكي ياهبة معلش والله غصب عني كنت تعبانه بس فرحانه جدا اني اول واحدة هرد عليكي ومش عارفة اقولك ايه بجد كلام رائع وربنا يزيدك من فضله والى مزيد من التقدم والرقي .

ربنا يخليكى ليه يا ريهام ويشفيكى بأذن الله ويداوم ربنا عليكى الصحة والعافيه

اللهم امين يارب العالمين تسلميلي ياهبة انت فعلا تستاهلي كل خير وربنا يوفقنا جميعا :

مش فزلكه ولكن في بعض الحاجات اللي مش مشيه مع بعض لو تقبلي النقد قوليلي
ولو مش عاوزة
احب اقولك ان عندك موهبه جميله فنميها

طبعا هى مش فزلكه ولكن هو نقد جميل من شاعره نتمنى ان نسمع من كلماتها الجميله اى حاجه
علشان نتعلم منها