| مصر النهارده | |
|
|
كاتب الموضوع | رسالة |
---|
Mr Tokhy
عدد المساهمات : 69 تاريخ التسجيل : 24/10/2010 العمر : 35
| موضوع: مصر النهارده الثلاثاء فبراير 08, 2011 5:05 pm | |
| بسم الله الرحمن الرحيم
فى البداية أحب أقولكم حمد الله على السلامة يا جماعة ان انتوا رجعتوا المنتدى تانى و الحقيقة ان الموضوعات الجديدة ليكوا جميلة .
بس أنا كمواطن مصرى استوقفنى حاجة مهمة : انا الحقيقة تصورت ان اول حاجة هنعملها بعد العودة للمنتدى هو اننا نقول راينا فى اللى حصل فى البلد احنا مكملين حياتنا و كأن ما حدث فى مصر ليس بثورة و لا حدث غير مسار الحياة السياسية فى مصر كلها او بالاحرى فى طريقه لتغييرها.
يا جماعة احنا موقفنا ده مالوش غير تفسيرين : 1- يا اما اننا اقتنعنا بكلام التليفزيون المصرى ان الشباب ده عملاء و خونة و هما اللى خربوا البلد . 2- او ان الطلبات بتاعة الشباب ده ما يهمناش و ده لان معندتاش بطالة و لا اعلى نسبة سرطان اطفال فى العالم نتيجة المبيدات المسرطنة و لا ان العلاج على نفقة الدولة مقصور على الوزراء و زوجاتهم و لا الداخلية خانتنا و لا الريس كان عاوز يجيب ابنه مكانه ........... الخ
و سواء كان التفسير الاول او التانى فكلاهما مصيبة اتمنى اكون غلطان و حد يرد عليا و يقول رأيه فى كلامى سواء بالايجاب او السلب
و جزاكم الله خيرا | |
|
| |
محمود الحداد
عدد المساهمات : 152 تاريخ التسجيل : 12/09/2010 العمر : 39
| موضوع: رد: مصر النهارده الثلاثاء فبراير 08, 2011 6:23 pm | |
| حبيبى يا حودة نورت المنتدى كويس انت اول واحد يكتب عن الموضوع ده انا رايى الشخصى الناس بقت فريقين شوية مقتنعين بكلام القنوات التابعة للنظام وتدافع عن مبارك وكأنه شخص لاغبار عليه والفريق الثانى غير مقتنع ويرى ان هؤلاء الشباب مجرم ومأجور لكن يا طوخى البلد مليئة بالفساد فى كل مكان وكل مسئول يعين هدفه ينهب اموال الدولة ولما لا وهو يرى كبير البيت ينهب هو واولاده وحاليا يبحث هذا النظام عن كبش الفداء وعن الأعذار ويقول الوعود لنا بأنه سيعمل من أجل مستقبل أفضل لمصر بس ياترى يقصد أيه الأمراض هتزيد عن كده كمان والفساد هينتشر عن دلوقتى ياراجل دول كتموا صوتنا وخلونا نمشى كل كلامهم ودلوقتى عايزنا نصدق انهم هيصلحوا ومش ناوى يترشح لاهو ولا ابنه بس تصدق عنده حق يا حودة اذا كان كل واحد شغال فى اى مكان بياخد اولاده حتى لو مينفعوش بيتعينوا برده ابناء العاملين فى الكهربا والبترول يرضيك ابنه يقعد فى الشارع زى الشباب خلاص بقت سطلة كله يعمل اللى هو عايزة والشعب يتحمل ومبسوطين اننا عايشين فى سلام وللأسف احنا عايشين فى ذل لليهود ياراجل اسراءيل بتاخد الغاز بأرخص الأسعار وكانوا عايزين يشيلوا الدعم عنه فى مصر عشان سعره يولع وفى الأخر نعمل عملية ترقيع للحكومة نجيب اشخاص نفس القدامى بثوب جديد وجلد جديد طيب اللى هيتحاكموا دلوقتى ياترى مكنش حد يعرف انهم بيتاجروا فى الشعب ولا بيشتغلونا كل واحد يمسكنا شوية يشتغلنا | |
|
| |
riri
عدد المساهمات : 201 تاريخ التسجيل : 10/09/2010 العمر : 35
| موضوع: ردا على الموضوع: الأربعاء فبراير 09, 2011 1:42 pm | |
| السلام عليكم ورحمة الله وبركاته الله يسلمك يا استاذ محمود وبشكرك طبعا على موضوعك وكلنا طبعا مواطنين مصريين انا فكرت فعلا اكتب في الموضوع ده بعد رجوعنا للمنتدى ولكن قلت مهما كتبنا من تعليقات كتير مش هنقدر نوصف الحالة اللي فيها مصر سواء كنا مع التغيير او ضد التغيير ومهما اختلفت وجهات النظر لكل منا مش هنقدر نوصف احساسنا تجاه بلدنا واللي بيحصل فيها ويارب ربنا يحمي مصريارب . | |
|
| |
Mr Tokhy
عدد المساهمات : 69 تاريخ التسجيل : 24/10/2010 العمر : 35
| موضوع: رد: مصر النهارده الأربعاء فبراير 09, 2011 6:15 pm | |
| بسم الله الرحمن الرحيم
فى البداية احب اعتذر للجميع اذا كانت رسالتى الاولى كانت حادة فى اسلوبها بس اعذرونى لانى اتغاظت جدا من هذا التجاهل الغير مبرر للموضوع .
كمان متشكر للاستاذ محمود الحداد و الاستاذة riri على ردودهم على الموضوع .
بس انا لى تعليق : مش معنى ان الموضوع ضخم اننا حتى منشاركش فيه و لو حتى بابداء راينا كفاية اننا مشاركناش مع الشباب من البداية على الاقل نقول راينا فى اللى حصل و اتمنى متزعليش من كلامى يا استاذة riri .
و الحقيقة ان انا متفق مع الاستاذ محمود الحداد فى كلامه و تخيلوا يا جماعة ان فى ناس كتير بيقولوا النهارده ان الشباب ده خلاص يروح بيته و يبطل مظاهرات معنى كلامكوا اننا بنسلم الشباب ده للنظام علشان يصفى حساباته معاه قبل ما يمشى مش ده اللى هيحصل ؟ ثانيا مفيش جاجة تغيرت و كل الناس اللى اتغيروا فى النظام من نفس النظام و نفس التفكير العقيم و الدليل شوفوا الناس دى اول ما جت قالت ان الشباب لهم حق و اننا هنعمل و هنسوى و بعد ما خفت حدة المظاهرات يخرج علينا عمر سليمان ليقول لا حاجة لرحيل مبارك و ان النظام لم و لن يسقط و اننا قاربنا على ان ينفذ صبرنا على المظاهرات و انه اما الحوار او الانقلاب و يقصد انقلاب الجيش بالحكم و مفيش تعديلات و اخبطوا راسكوا فى الحيط . و تقولولى النظام اتغير عن اى تغيير تتحدثون؟ و لا حول و لا قوة الا بالله | |
|
| |
محمود الحداد
عدد المساهمات : 152 تاريخ التسجيل : 12/09/2010 العمر : 39
| موضوع: رد: مصر النهارده الخميس فبراير 10, 2011 6:06 pm | |
| شوفت مبارك يا حودة عايز يقعد على قلبنا كمان كل كام يوم يطلع بخطاب بيشتغلنا وبينيمنا وهو لو جاتله الفرصة للأنتقام من هذا الشعب لن يتأخر هذا الرجل الذى يوهمنا بأننا نعيش فى سلام فى عهده والحقيقة اننا فى استسلام لكل ماتملية علينا ماما أمريكا واسراءيل عمل متعمدا على تدمير هذا الشعب ونهب كل ثرواته حتى الثروة البشرية من الشباب قتل فيهم الطموح والارادة وكل شوية بيلعب بكارت جديد ان الوزراء حرامية وهو ميعرفش طيب ومين اللى جابهم هو لو كان حرامى معاهم دى مصيبة ولو كان بيقول انهم سرقوا من وراه دى مصيبة أكبر بيدورعلى كبش فدا ويقول مجرد وعود لتغيير الدستور والقنوات المحلية تعمل على مساعدة هذا النظام على قلوب المصريين لك الله يامصر اللهم انصر مصر وأهلها يارب وارحم شهداء ميدان التحرير هذا الميدان الذى كشف عن بطش هذا النظام وحقيقته التى يحاول اخفائها وراء ستار حب الوطن طيب لما هما بيحبوا مصر نبقى احنا الخونة على كده هذا النظام الذى قتل شباب البلد وتعامل معهم وكأن الشباب لايساوى شيئا عنده تعامل معهم بكل وحشية وقتل فيهم واستباح دمائهم تفتكر يا محمود اللى يسرق ويظلم 30 سنة ممكن يتوب ده بالظبط زى اللى بيقولوا فى قوله تعالى (( ليتنا نرد فنعمل غير الذى كنا نعمل )) اعذرونى ياجماعة انا مقصدش انه زيهم تمام بس بيقول نفس كلامهم وعموما ده رأيى وياريت اشوف ارائكم فى كلامى
| |
|
| |
riri
عدد المساهمات : 201 تاريخ التسجيل : 10/09/2010 العمر : 35
| موضوع: ردا على الموضوع: الجمعة فبراير 11, 2011 2:24 pm | |
| السلام عليكم ورحمة الله وبركاته اولا :استاذ محمود الطوخي انا مش زعلت ولا حاجة كل واحد له وجهة نظره وكلنا بنتبادل اراء واسفة لو كنت ضايقت حضرتك بكلامي وبكرر اعتذاري . اما بالنسبة لكلامك يااستاذ محمود الحداد تسمحلي اعلق على موضوعك اوك كلامك صح بس انا بعترض معاك في حاجة حضرتك قلتهاوهي ( اللى يسرق ويظلم 30 سنة ممكن يتوب ده بالظبط زى اللى بيقولوا فى قوله تعالى (( ليتنا نرد فنعمل غير الذى كنا نعمل )) احتمال يتوب مادام روحه لم تغرغر وكمان مادام الشمس مش طلعت من المغرب وربنا بيفرح بتوبة عبده ويقول في كتابه الكريم {وَالَّذِينَ لا يَدْعُونَ مَعَ اللَّهِ إِلَهًا آخَرَ وَلا يَقْتُلُونَ النَّفْسَ الَّتِي حَرَّمَ اللَّهُ إِلا بِالْحَقِّ وَلا يَزْنُونَ وَمَنْ يَفْعَلْ ذَلِكَ يَلْقَ أَثَامًايُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًاإِلا مَنْ تَابَ وَآمَنَ وَعَمِلَ عَمَلا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ) فالعبد مهما عصى ربنا وارتكب كتييييييييييير من الذنوب وتاب الى الله توبة نصوحا اكيد ان شاء الله ربنا يقبل توبته ومع احترامي لجميع آرائكم واسفة على الاطالة . | |
|
| |
Mr Tokhy
عدد المساهمات : 69 تاريخ التسجيل : 24/10/2010 العمر : 35
| موضوع: رد: مصر النهارده الجمعة فبراير 11, 2011 6:11 pm | |
| بسم الله الرحمن الرحيم
1- ابدأ كلامى بسلامى للجميع و احترامى الشديد لجميع و جهات النظر من الزملاء الاعزاء و اوجه كلامى بداية للاستاذة riri : أولا أحب أوضح أنى انا لما اعتزرت لحضرتك فى رسالتى السابقة كان لأنى لا أعرف حضرتك جيدا حيث أن هناك بعض الناس اللى بتزعل لما حد يختلف معاها فى الرأى و بيعتبروا النقد و لو كان لاذعا فى بعض الاحيان اختلافا و نقدا لشخصهم و ليس فى الاراء لذا و جب على الاعتذار حتى لا افهم خطأ. ثانيا و بما ان حضرتك و الحمد لله لم تكونى من هذه النوعية من الناس فأنا أحمد الله ان لى أخت و زميلة و ارجو الا اكون اجتزت حدودى اذا قلت صديقة ذات سعة صدر و تؤمن بحرية الرأى و لديها قابلية للحوار فتقبلى منى كامل الاحترام ثالثا اذا كنا قد اتفقنا فى اولا و ثانيا فبالتالى حضرتك مش محتاجة تعتزرى على اى حاجة لاننا اتفقنا اننا اخوة او اصدقاء و أعتذر للاطالة بس معلش لانى بتاع رياضيات فللاسف تعودت على النظام و المنطقية فى التفكير.
2- بالنسبة لما قاله الزميل محمود الحداد و الذى اقتنع به تماما فاسمحيلى ارد نيابة عنه :هو حضرتك عندك حق ان ربنا سبحانه و تعالى يغفر الذنوب و يفرح بتوبة العبد و ان اى حد ممكن يتوب طبعا بس يمكن محمود خانه التعبير بس هو كان يقصد فى هذا المثال ان الكفار او من حق عليهم العذاب يعيشون فى الدنيا و هم يعلمون انهم على خطأ و يتأكدون انهم سوف يعذبون و لكنه الكبر و الناد و حينما يأتى و قت الحساب يستغيثون بالله - عز و جل - راجين ان يعيدهم للدنيا علهم يعملون صالحا و هم مقتنعون انهم لن يفعلوا و انما هو مبرر ليهربوا من العذاب و هذا هو حال رئينا السابق الذى يقول سأصلح و سأفعل كذا و كذا ليس لأنه تاب و يريد الاصلاح و انما لانه تحت ضغط يريد الخلاص منه .
3- هناك ملحوظة بأن زميلتنا العزيزة مديرة المنتدى الاستاذة هبة غير موجودة لفترة لعل المانع خير .
و جزاكم الله خيرا
| |
|
| |
Mr Tokhy
عدد المساهمات : 69 تاريخ التسجيل : 24/10/2010 العمر : 35
| موضوع: رد: مصر النهارده الجمعة فبراير 11, 2011 6:23 pm | |
| بسم الله الرحمن الرحيم
أعتقد النهارده ان الوضوع ما عدش موضوع للحوار فقد رحل مبارك فسواء من كان يريد اسقاط نظام مبارك و كان يراه رمزا للفساد زيي فقد رحل او من كان يراه بطلا فليعتبره قد توفاه الله فحينئذ ماذا كان سيحدث هل كانت ستسقط مصر ؟ أعتقد أن المهم النهارده اننا نحاول ان نتكاتف حول قواتنا المسلحة لنبنى بلدنا التى يحلم بها كل منا .
و للصدق و برغم اختلافى الشديد مع نظام مبارك الا ان الموقف الذى اتخذه من ترك السلطة للجيش و هو مؤسسة عسكرية محترمة و عادلة و لها شعبية فى الشارع المصرى موقف يحترم حتى لا تتحول مصر الى مجال للتنازع بين القوى السياسية المدنية المتصارعة مثلما حدث فى تونس فلذلك فقط اسجل له احترامى الشخصى .
و جزاكم الله خيرا
| |
|
| |
riri
عدد المساهمات : 201 تاريخ التسجيل : 10/09/2010 العمر : 35
| موضوع: رد: مصر النهارده الخميس فبراير 24, 2011 11:38 am | |
| - Mr Tokhy كتب:
- بسم الله الرحمن الرحيم
1- ابدأ كلامى بسلامى للجميع و احترامى الشديد لجميع و جهات النظر من الزملاء الاعزاء و اوجه كلامى بداية للاستاذة riri : أولا أحب أوضح أنى انا لما اعتزرت لحضرتك فى رسالتى السابقة كان لأنى لا أعرف حضرتك جيدا حيث أن هناك بعض الناس اللى بتزعل لما حد يختلف معاها فى الرأى و بيعتبروا النقد و لو كان لاذعا فى بعض الاحيان اختلافا و نقدا لشخصهم و ليس فى الاراء لذا و جب على الاعتذار حتى لا افهم خطأ. ثانيا و بما ان حضرتك و الحمد لله لم تكونى من هذه النوعية من الناس فأنا أحمد الله ان لى أخت و زميلة و ارجو الا اكون اجتزت حدودى اذا قلت صديقة ذات سعة صدر و تؤمن بحرية الرأى و لديها قابلية للحوار فتقبلى منى كامل الاحترام ثالثا اذا كنا قد اتفقنا فى اولا و ثانيا فبالتالى حضرتك مش محتاجة تعتزرى على اى حاجة لاننا اتفقنا اننا اخوة او اصدقاء و أعتذر للاطالة بس معلش لانى بتاع رياضيات فللاسف تعودت على النظام و المنطقية فى التفكير.
2- بالنسبة لما قاله الزميل محمود الحداد و الذى اقتنع به تماما فاسمحيلى ارد نيابة عنه :هو حضرتك عندك حق ان ربنا سبحانه و تعالى يغفر الذنوب و يفرح بتوبة العبد و ان اى حد ممكن يتوب طبعا بس يمكن محمود خانه التعبير بس هو كان يقصد فى هذا المثال ان الكفار او من حق عليهم العذاب يعيشون فى الدنيا و هم يعلمون انهم على خطأ و يتأكدون انهم سوف يعذبون و لكنه الكبر و الناد و حينما يأتى و قت الحساب يستغيثون بالله - عز و جل - راجين ان يعيدهم للدنيا علهم يعملون صالحا و هم مقتنعون انهم لن يفعلوا و انما هو مبرر ليهربوا من العذاب و هذا هو حال رئينا السابق الذى يقول سأصلح و سأفعل كذا و كذا ليس لأنه تاب و يريد الاصلاح و انما لانه تحت ضغط يريد الخلاص منه .
3- هناك ملحوظة بأن زميلتنا العزيزة مديرة المنتدى الاستاذة هبة غير موجودة لفترة لعل المانع خير .
و جزاكم الله خيرا
اسفة على الـتأخير في الرد وكمان بحب أشكرك على كلامك ووجهة نظرك الصادقة واكيد طبعا كلنا أخوة وأصدقاء وبشكر حضرتك على ردك وتوضيحك لنظرة زميلك أستاذ محمود وربنا يوفقنا جميعا يارب | |
|
| |
محمود الحداد
عدد المساهمات : 152 تاريخ التسجيل : 12/09/2010 العمر : 39
| موضوع: رد: مصر النهارده الخميس فبراير 24, 2011 5:44 pm | |
| اولا احب ان اشكر محمود الطوخى على توضيح وجهة نظرى انا مقصدتش انى اكفر مبارك بكلامى بس فعلا ايه اللى اخره على التأخير يا جماعة احنا مش كل رئيس يستغل طيبة شعبنا ويحاول يدور على كبش الفدا بتاعة سواء احمد عز او حبيب العادلى او ايا كان ويحاول يفهمنا انه مكنش يعرف طيب ان كان يعرف او اشترك دى مصيبة وان كان لايعرف تلك مصيبة اكبر وعلى فكرة انا بشك فى ان مبارك لازال يلعب فى امن هذا البلد انا مش عارف ليه الناس دى بتكره بلدنا وبيسرقوا سرقة جنونية مبارك كان عايز يفضل فى الحكم عشان يضمن انه ميتحاكمش على سرقته وعشان يلم رموز الاحزاب ويرميهم فى المعتقلات اللى عملتها ثورة يوليو ورجالها وثانيا ادعوا الله ان يولى علينا من يصلح بلدنا وان يحمى الله بلدنا من الفتن ماظهر منها ومابطن
| |
|
| |
هبه الاخضر المدير
عدد المساهمات : 475 تاريخ التسجيل : 08/09/2010 العمر : 36
| موضوع: انا اسفة طبعا لانى مش قدرت اشترك معاكم فى الموضوع المهم ده الخميس فبراير 24, 2011 6:22 pm | |
| انا اسفة طبعا لانى مش قدرت اشترك معاكم فى الموضوع المهم ده وبعدين لم اتجاهل كنت بعيدة عن المنتدى لظروف مرضية امتدت اثناء فترة الثورة فأرجوا الا يكون القصد من كلمة التجاهل هو التجاهل من ادارة المنتدى لاننى لم استطيع المشاركة واكرر الاعتذار رغم ان من المفترض ان نلتمس الاعذار وبعدين لو ادارة المنتدى تجاهلت اين المشرفين وما دورهم اذا فى غياب ادارة المنتدى او تجاهل كما اعتقدتم فالتجاهل يكون من المشرفين فى هذه الحاله | |
|
| |
محمود الحداد
عدد المساهمات : 152 تاريخ التسجيل : 12/09/2010 العمر : 39
| موضوع: رد: مصر النهارده الخميس فبراير 24, 2011 6:47 pm | |
|
عدل سابقا من قبل محمود الحداد في الجمعة فبراير 25, 2011 12:37 pm عدل 1 مرات | |
|
| |
riri
عدد المساهمات : 201 تاريخ التسجيل : 10/09/2010 العمر : 35
| موضوع: ردا على الموضوع الجمعة فبراير 25, 2011 11:15 am | |
| السلام عليكم ورحمة الله وبركاته اولا : حمد لله على سلامتك ياصديقتي الغالية واحب طبعا اوضح وجهة نظرك بعد إذنك طبعا انا فهمت من كلامك إنك تقصدي كلام الاستاذ محمود الطوخي وهو(فى البداية احب اعتذر للجميع اذا كانت رسالتى الاولى كانت حادة فى اسلوبها بس اعذرونى لانى اتغاظت جدا من هذا التجاهل الغير مبرر للموضوع .) اتوقع ان هذا ماكنت تقصديه. ثانيا : احب ارد عليكي بعد إذن استاذ محمود الطوخي إذا سمح بإنه حسب مافهمت قصد التجاهل من جميع الاعضاء ولم يقصد التجاهل من إدارة المنتدى والدليل على ذلك انه في احد ردوده قام بالسؤال عن مديرة المنتدى حضرتك يعني . ثالثا : إن مشرفين المنتدى قاموا بالرد على الموضوع وعرضوا جميع وجهات نظرهم المختلفة حتى لو أنهم لم يكتبوا الموضوع نفسه ولم يتجاهلوه أيضا لان كاتب الموضوع هو من مشرفين المنتدى رابعا : اتمنى ان يكون كلامي صحيح واتقبل تعليقاتكم عليه بالسلب او الإيجاب واسفة على الاطالة . | |
|
| |
Mr Tokhy
عدد المساهمات : 69 تاريخ التسجيل : 24/10/2010 العمر : 35
| موضوع: رد: مصر النهارده الجمعة فبراير 25, 2011 1:36 pm | |
| بسم الله الرحمن الرحيم
بادئ ذى بدء أكرر اعتذارى لجميع الزملاء الاعزاء كل فى شخصه ان كانت رسالتى الاولى فى هذا الموضوع قد فهمها بعض الزملاء اتهام بالتجاهل او التقصير و انما احب ان اوضح انها ما كانت الا نوع من الحماس الزائد من قبلى و الغيرة المحمودة على و طنى و الرغبة فى استثارة غيرة بقية الزملاء على بلدهم و حثهم على المشاركة فى الموضوع و يشهد الله انى لم أقصد الاساءة لأحد بالمرة .
ثانيا أتوجه بخالص الشكر للزملاء الاعزاء الاستاذ محمود الحداد و الاستاذة riri الذين تو لوا مهمة الدفاع عنى و توضيح و جهة نظرى و قد أصابت الزميلة العزيزة الاستاذة riri فى توضيحها كبد الحقيقة فأكرر الشكر لها و انما هذا عهد الاصدقاء أن يدافع كل منهم عن الاخر بالحق .
و اسف للاطالة و يا ريت متزعليش يا استاذة هبة .
و السلام خير ختام | |
|
| |
هبه الاخضر المدير
عدد المساهمات : 475 تاريخ التسجيل : 08/09/2010 العمر : 36
| موضوع: السلام عليكم ورحمة الله وبركاته اولا اشكركم على توضيح وجهة النظر الجمعة فبراير 25, 2011 4:00 pm | |
| السلام عليكم ورحمة الله وبركاته اولا اشكركم على توضيح وجهة النظر التى قد تكون وصلتنى خطأ ولا داعى للاسف لاننا كما تقولوا اصدقاء والتمسوا ايضا لى الاعذار لاننى كان ردى ايضا غيرة ومحبة فى وطنى العزيز فلم استطع ان اشعر للحظة بأننى قد تجاهلت الامر هذا كل ما فى الموضوع وتقبلوا اعتذارى من فضلكم | |
|
| |
محمود الحداد
عدد المساهمات : 152 تاريخ التسجيل : 12/09/2010 العمر : 39
| موضوع: رد: مصر النهارده الجمعة فبراير 25, 2011 5:26 pm | |
| مصر بلدنا كلنا واكيد طبعا كلنا بنلتمس الاعذار لبعض احنا اصدقاء كلنا وان شاء الله مصر تكون احسن بلد فى الدنيا وحمد الله على سلامتك يا استاذة هبه ومرسيه ل استاذة ريهام على نصيحة سر اكلة السمك | |
|
| |
| مصر النهارده | |
|