حقيقة الثورات

الثورات يا ام كريم دائما يخطط لها الأذكياء ويقوم بها الشجعان ويستفيد منها الجبناء اللى هما اللى حضرتك تقصديهم وبعدين احنا هنروح بعيد ليه القنوات المحلية والفضائيات المملوكة لرجال اعمال مصريين كانت تنقل اكاذيب وقت الثورة وفى وقت التنحى كلهم شغلوا اغانى وطنية وكان مبارك كان يهودى واحنا طردناه من البلد انا مش بدافع عن مبارك انا بدافع عن مبدء اللى يتبنى قضية يدافع عنها وبتمنى ان مصر تكون احسن بلد فى الدنيا ومش عايزك تستغربى من الناس دى لانهم كدابين زفة وانتى شوفتى الحزب الوطنى اعضاءه 3مليون واللى تضامن مع مبارك كام الف اللى كانوا بيلهثوا وراء كارنيه الحزب بالأمس القريب النهاردة بيتكلموا عنه وكأنه وصمة عار *

بس انا ليا عتاب على المعتصمين حتى الأن فى التحرير وبيطالبوا باسقاط احمد شفيق عشان من النظام السابق طيب مهو المجلس الأعلى من النظام السابق وعلى رأسه المشير مش عايزين ازدواجية فى التعبير والرأى انا رأيى يبقى الوضع على ماهو عليه الفترة دى *

ومن الطلبات أيضا الغاء امن الدولة طيب وبالمرة نلغى الجيش والحكومة وتبقى فوضة زى تونس جهاز امن الدولة لازم يفضل بس يكون فيه قوانين تحكم الجميع وتكون مهمتهم امن المواطنين والحفاظ عليهم احنا كلنا شوفنا الفوضى فى وقت الثورة الفلاحين اعتدوا على الأراضى الزراعية وعلى املاك الدولة وفاكرين انها بقت فوضى وكل واحد يعمل مابدا له ويعمل لصالح نفسه دون النظر الى مصلحة باقى المواطنين *
وياريت كل واحد فينا يركز اننا نخلى بلدنا احسن بلد فى الدنيا والكل يرجع الى عمله ونشتغل للمستقبل *
قال رسول الله ((صلى الله عليه وسلم)) : ((اعمل لدنياك كأنك تعيش ابدا واعمل لأخرتك كأنك تموت غدا))

عندك حق يااستاذ محمود وانا احترم وجهه نظرك هذه
الناس دلوقتي كل اللي يهمهم هو المكاسب الشخصيه
حته ارض يبنوا عليها..... شقه يستعمروها.....محل يستولوا عليه
كأنهم بيقولوا اللي يجي منهم....
بس هما مش حسين ان البلد دي بلدنا والارض دي بتاعتنا والاولاد اللي ماتوا في الثوره هما اخوتنا
ودا لو حولنا نصلحه مش هنقدر لان دي عقيده اترسخت جواهم ومش هيقدر يغيرها غير الاحساس بالانتماء
وصدقني يا استاذ محمود انا مش بقول كلام والسلام لا لاني انا نفسي ححاول اني ابدأ دا مع ابني صحيح هو عمره سنتين لكن علي الاقل اعلمه كلمه مصر وكلمه الله اكبر واحاول علي مر السنين ان اعلمه معني الانتماء ومعني الاخلاص وياريت كلنا من هنا نبدأحمله اسمها عوده الانتماء

عنوان رائع فعلا ولازم نبتدى نكتب فيه